काठमाडौं– नेपालमा कोभिड– १९ संक्रमित, मृत्यु र निको हुने संख्या स्थिर रहेको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा पीसीआर र एन्टीजेन परीक्षण गरेका २२ हजार ८७ मध्ये ८ हजार ३ सय ५ जनामा पोजेटिभ देखिएको छ । सोही अवधिमा ६ हजार ५ सय ४३ जना निको भएर घर फर्किएका छन् ।
मन्त्रालयका अनुसार गत २४ घण्टामा १ सय ९० जनाको मृत्यु भएको छ । नेपालमा कोरोनाबाट मृत्यु हुनेको संख्या ५ हजार ८ सय ४७ पुगेको छ ।
नेपालमा कोभिड १९ निको हुने दर ७५ दशमलव १ प्रतिशत रहेको छ ।
काठमाडौंमा भने संक्रमित संख्या बढेको छ । काठमाडौंमा २६००, भक्तपुरमा २२९ र ललितपुरमा ४०३ जना गरी उपत्यकामा ३२३२ जना संक्रमित भएका छन् ।
