नन्दलाल खरेल

हिजो नाकाबन्दीमा उत्कर्ष पुगेको राष्ट्रवाद
आजनागरिकतामा सत्ताको सौदाबाजी गर्दैछ

हिजो चुच्चे नक्सामा शिखर चुमेको राष्ट्रवाद
आज राज्यले पदक बाड्दा नयाँ नक्सा हराएको छ

हिजो मधेष केन्द्रित दललाई गालि गलौजमा रमाएको राष्ट्रवाद
आज उनिहरुको साथ नपाए सत्ता लंगडो हुने भएको छ

हिजो सहकर्मीलाई राष्ट्रद्रोही भनी उत्रेको राष्ट्रवाद
आज उनिहरुको जसरी पनि साथलिन खोजेको छ

हिजो स्वाधीन अर्थतन्त्रको हुंकार गर्ने राष्ट्रवाद
आज दलाल पूँजिवादमा रमाएको छ

हिजो आफ्नो उत्पादनमा रमाएको राष्ट्रवाद
आज युवा निर्यात गरी रेमिट्याान्समा रमाएको छ

हिजो नारी अस्मितालाई रक्षागर्ने राष्ट्रवाद
आज बलात्कारीलाई काखीच्यापी रमाएको छ

हिजो नेपाली भाषामा रमाएको राष्ट्रवाद
आज अंग्रेजी शिक्षामा मात्र रमाएको छ

हिजो संस्कृती, सम्पदा, संस्कारमा रमाएको राष्ट्रवाद
आजविकृती, विसंगती र मनोरन्जनमा रमाएको छ

हिजो माटोको जगमा उठेको राष्ट्रवाद
आज एमसिसि पारित गराउन रमाएको छ ।