एनआईसी एशिया बैंक लिमिटेडले आफ्नाे स्वामित्वमा रहेको ३ वटा कम्पनीकाे संस्थापक समूहकाे सेयर आज (असार २७ गते, आइतबार) बाट लिलाम बढाबढ गरी बिक्री खुल्ला गरेकाे छ ।
बैंकले मेराे माइक्राेफाइनान्सकाे ५६ हजार ८ सय ३८ कित्ता सेयर, आरएमडीसी लघुवित्त वित्तीय संस्था लिमिटेडको ३ लाख ७३ हजार ७ सय ६५ कित्ता र महुली लघुवित्त वित्तीय संस्था लिमिटेडको ५३ हजार ७० कित्ता संस्थापक समूहकाे सेयर लिलाम बढाबढ गरी बिक्री खुल्ला गरेकाे हाे ।
कुनकाे मूल्य कति ?
मेराे माइक्राेफाइनान्स लघुवित्त वित्तीय संस्था लिमिटेड = ५३४ रुपैयाँ
आरएमडीसी लघुवित्त वित्तीय संस्था लिमिटेड = ४७३ रुपैयाँ
महुली लघुवित्त वित्तीय संस्था लिमिटेड = ७५२ रुपैयाँ
कहिलेसम्म दिने आवेदन ?
लगानीकर्ताले आज (असार २७ गते, आइतबार) बाट असार ३१ गतेसम्म बोलपत्र पेश गर्नुपर्नेछ ।
कति दिने आवेदन ?
लगानीकर्ताले महुली लघुवित्तबाहेक अन्य ३ वटा कम्पनीकाे सेयरमा न्युनतम एक सय कित्ता र अधिकतममा १० ले भाग जाने गरि सबै कित्ताको लागि आवेदन दिन सक्नेछन् । महुली लघुवित्तकाे सेयरमा भने न्युनतम ५ सय कित्ताका लागि आवेदन दिन सकिनेछ ।
काे हाे बिक्री प्रबन्धक ?
कम्पनीको निष्कासन तथा बिक्री प्रबन्धक एनआईसी एशिया क्यापिटल लिमिटेड रहेको छ ।
कहाँबाट दिने आवेदन ?
लगानीकर्ताहरुले एनआईसी एशिया क्यापिटल लिमिटेड, बबरमहल, काठमाडौं तथा एनआईसी एशिया बैंक लमिटेडकाे केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट आवेदन दिन सक्नेछन् ।
