काठमाडौं: राष्ट्रिय जनमोर्चाका अध्यक्ष एवम् सत्तापक्षीय गठबन्धनका नेता चित्रबहादुर केसीले प्रधानमन्त्री शेरबहादुर देउवालाई ‘स्वास्थ्य राज्यमन्त्री बनाउन अर्को व्यक्ति भेट्नुभएन ?’ भन्दै प्रश्न गरेका छन् ।
गठबन्धनको बुधबारको बैठकमा केसीले स्वास्थ्य राज्यमन्त्रीमा उमेश श्रेष्ठको नियुक्तिप्रति असन्तुष्टि जनाउँदै देउवालाई प्रश्न गरेका हुन् ।
‘म त छुचो मान्छे, स्वास्थ्य राज्यमन्त्री नियुक्तिको कुरा त गर्ने नै भएँ’ उनले भने, ‘स्वास्थ्य राज्यमन्त्री बनाउन अरु कोही पाइएन भनेर सोधेँ ।’
प्रधानमन्त्री देउवाले भने स्वास्थ्य राज्यमन्त्री नियुक्तिमा आफ्नो कमजोरी भएको स्वीकार नगरेको केसीको भनाई छ ।
‘जिन्दगीभरि गल्ति गरेकाले होला, मैले गल्ति गरें किन भन्थे ? भनेनन्’ केसी भन्छन् ।
