बसन्ता कुमारी ढकाल
सबैलाई थाहा छ भाइरसलाई भिसा चाहिँदैन,
आफैले तयार गरेको सावधानिको मानक सरकार पालना गर्दैन ।
शासक लालसलामबाट रामसलामको माला जप्दैछन्,
विपक्षी दल तथा विरोधीहरु सत्ता पल्टाउन खोज्दैछन् ।
पूर्व राजपरिवारहरु कुम्भमेलाको उपहार लिई अस्पताल पल्टदैछन्,
कोरोनाको शक्ति के हो उनीहरुले पनि थाहा पाउँदैछन् ।
गुन्डागुर्दीमा चर्चा कमाएका मनाङ्गे मन्त्री भएका छन् ,
राष्ट्रवाद र सुशासनको पगरी गुथ्ने शासक के गर्दैछन् ।
कोराना संक्रमण भयावह देखेपछि निषेधाज्ञाको उपयोग गर्छन,
कोरोना कालमा सत्ता जोगाउन र फाल्न हजारौंको जुलुुुस गर्छन ।
शासक सत्ता जोगाउन अपराधमा उन्मुक्ति दिन्छन्,
तर कोरोना नियन्त्रणमा भयंकर लापर्वाही गर्छन ।
कोरोनाको डरले कोही भारतबाट नेपाल आइरहेका छन्,
कोही भने नेपालबाट अन्य देश गइरहेका छन् ।
निषेधाज्ञामा उद्योग व्यवस्था सबै वन्द छन,्
तर कोरोना भाइरसहरु वीना भिसा संसार यात्रा गर्दैछन् ।
