काठमाडौँ — बुकायो साकाको शानदार ह्याट्रिक प्रेरित प्रदर्शनमा इंग्ल्यान्डले फ्रान्सलाई ६–४ गोलले पराजित गर्दै फिफा विश्वकप–२०२६ को तेस्रो स्थान हासिल गरेको छ। अमेरिकाको मियामी स्टेडियममा आइतबार बिहान सम्पन्न रोमाञ्चक प्रतिस्पर्धामा इंग्ल्यान्डले कांस्य पदक आफ्नो नाममा सुरक्षित गरेको हो।
इंग्ल्यान्डको जितमा साकाले तीन गोल गरे भने डेक्लान राइस, एज्री कोन्सा र जुड बेलिङ्घमले एक–एक गोल थपे। फ्रान्सका कप्तान किलियन एमबाप्पेले दुई गोल फर्काउँदा ब्राडली बारकोला र उस्मान डेम्बेलेले एक–एक गोल गरे ।
खेलको तेस्रो मिनेटमै राइसले गोल गर्दै इंग्ल्यान्डलाई अग्रता दिलाएका थिए। त्यसपछि १८औँ मिनेटमा कोन्साले हेडरमार्फत गोल गर्दै टोलीको अग्रता दोब्बर बनाए। त्यसपछि दुवै टोलीबीच गोलको वर्षा भए पनि इंग्ल्यान्डले आफ्नो लय कायम राख्दै ६–४ को प्रभावशाली जित निकाल्न सफल भयो।