काठमाडौं २९,
सुन चाँदी व्यवसायी संघकी अध्यक्ष रोहिनी देबी शाक्यको नेतृत्वमा आज एक विरोध र्याली आयोजना हुने भएको छ। राजधानीको बौद्धिक तथा व्यापारिक क्षेत्र बिशाल बजारस्थित बुद्ध सालिक अगाडि बिहान १०:३० बजे हुने उक्त र्यालीमा सबै महासंघ तथा सम्बन्धित संघहरुलाई आफ्ना-आफ्ना सदस्यसहित उपस्थित हुन अनुरोध गरिएको छ।
आयोजक संघले दिएको जानकारी अनुसार, व्यवसायीहरुका समस्या र सरोकारका विषयमा आवाज उठाउन र राज्यको ध्यानाकर्षण गराउन र्यालीको आयोजना गरिएको हो। अध्यक्ष शाक्यले यो र्याली व्यवसायी समुदायको एकता, अधिकार र व्यवसायजन्य चुनौतीप्रति सरकारको उदासीनता विरुद्ध शान्तिपूर्ण दबाबको स्वरूप हुने बताएकी छन्।
महासंघ तथा संघहरुलाई र्यालीमा अनुशासित ढंगले सहभागी भइ सुनचाँदी व्यवसायीहरुको ऐक्यबद्धता प्रदर्शन गर्न आग्रह गरिएको छ।