काठमाडौं । व्यवसायी दीपक भट्ट र सुलभ अग्रवाललाई विशेष अदालतले पुर्पक्षका लागि थुनामा पठाएको छ।
विशेष अदालतका अध्यक्ष सुदर्शनदेव भट्ट तथा सदस्यहरू उमेश कोइराला र विदुर कोइरालाको इजलासले उनीहरूलाई पुर्पक्षका लागि थुनामा राख्न आदेश दिएको हो ।
आदेशमा अग्रवालको स्वास्थ्य उपचारको व्यवस्था गर्न पनि भनिएको छ ।
भट्ट र अग्रवालमाथि सम्पत्ति शुद्धीकरणको कसुरमा विशेष अदालतमा मुद्दा दायर भएको थियो । उक्त मुद्दाको बुधबार सुनुवाइ गर्दै विशेष अदालतले पुर्पक्षका लागि थुनामा पठाउने आदेश दिएको हो ।