प्रतिनिधिसभाको बैठक आज बस्दै, सामुद्रिक जैविक विविधतासम्बन्धी सम्झौतामाथि छलफल हुने

काठमाडौं । सङ्घीय संसद् अन्तर्गत प्रतिनिधिसभाको बैठक आज बिहीबार बस्दैछ। बैठक दिउँसो १ बजे सिंहदरबारस्थित सङ्घीय संसद् भवनमा बस्नेछ।
बैठकका लागि तय गरिएको सम्भावित कार्यसूचीअनुसार सामुद्रिक जैविक विविधताको संरक्षण र दिगो प्रयोगसम्बन्धी अन्तर्राष्ट्रिय सम्झौतामाथि सामान्य छलफल हुने भएको छ।
बैठकमा कानुन, न्याय तथा संसदीय मामिलामन्त्री सोविता गौतमले ‘संयुक्त राष्ट्र सङ्घीय सामुद्रिक कानुनसम्बन्धी महासन्धिअन्तर्गत राष्ट्रिय क्षेत्राधिकारभन्दा बाहिरका क्षेत्रका सामुद्रिक जैविक विविधताको संरक्षण र दिगो प्रयोगसम्बन्धी सम्झौतामाथि सामान्य छलफल गरियोस्’ भन्ने प्रस्ताव प्रस्तुत गर्नेछिन्।
उक्त सम्झौतामाथि सांसदहरूले धारणा राख्ने तथा नेपालको सन्दर्भमा यसको महत्व र कार्यान्वयनका विषयमा छलफल हुने अपेक्षा गरिएको छ।
प्रतिनिधिसभा बैठकको अन्य कार्यसूची तथा कार्यक्रम संसद् सचिवालयले तय गरेअनुसार अघि बढ्नेछ।

प्रतिनिधिसभाको बैठक आज बस्दै, सामुद्रिक जैविक विविधतासम्बन्धी सम्झौतामाथि छलफल हुने

सम्बन्धित समाचार