काठमाडौं । विश्वप्रसिद्ध प्रविधि कम्पनी सामसङले चाँडै नै एआई–संचालित नयाँ स्मार्टफोन सार्वजनिक गर्ने संकेत दिएको छ । कम्पनीले हालै सार्वजनिक गरेका टिजरहरूको श्रृङ्खलाले आगामी डिभाइस अत्याधुनिक प्रविधिसहित आउन लागेको सन्देश दिएको हो।
यद्यपि, स्मार्टफोनका आधिकारिक विवरणहरू भने अझै गोप्य राखिएको छ । तर सार्वजनिक संकेतहरू हेर्दा प्रयोगकर्ताको स्मार्टफोन अनुभवलाई नै नयाँ स्तरमा पुर्याउने तयारी भइरहेको अनुमान गरिएको छ। विशेष गरी उन्नत डिस्प्ले इन्टेलिजेन्स र डिभाइसमा आधारित एआई प्रणाली यसको केन्द्रमा रहने देखिन्छ। साथै, सामसङको चर्चित नाइटोग्राफी फिचर थप सशक्त रूपमा प्रस्तुत हुने सम्भावना पनि देखिएको छ।
कम्पनीका संकेतहरूले अपग्रेडेड फ्ल्यागसिप स्मार्टफोनको दिशातर्फ इशारा गरेका छन्। नेपालमा ग्यालेक्सी सिरिजको सफलतालाई आधार बनाएर सामसङले दैनिक जीवनलाई अझ स्मार्ट, सहज र व्यक्तिगत बनाउने लक्ष्य राखेको देखिन्छ।
टिजरका आधारमा, आगामी स्मार्टफोनमा अन–डिभाइस एआईद्वारा सञ्चालित इन्टेलिजेन्ट डिस्प्ले लेयर रहने सम्भावना छ, जसले प्रयोगकर्ताको गतिविधि अनुसार स्क्रिनमा देखिने सामग्रीलाई रियल टाइममा समायोजन गर्नेछ। यसले प्रयोगकर्ताले स्क्रिनसँग गर्ने अन्तर्क्रिया, हेर्ने शैली र प्रयोग अनुभवलाई अझ प्रभावकारी बनाउने अपेक्षा गरिएको छ।
त्यस्तै, सबैभन्दा चासोको विषय बनेको अर्को सम्भावना भनेको नयाँ स्तरको अन–स्क्रिन प्राइभेसी प्रविधि हो। उन्नत डिस्प्ले टेक्नोलोजी र डिभाइस–भित्रकै एआई प्रयोग गरी सामसङले चलायमान जीवनशैलीलाई ध्यानमा राखेर स्मार्ट प्राइभेसी सुरक्षा तह ल्याउने तयारीमा रहेको अनुमान गरिएको छ।
प्रतीक्षा बढ्दै जाँदा सामसङ नेपालको पछिल्लो टिजरले चाँडै नै नयाँ एआई इन्टेलिजेन्सको तह सार्वजनिक हुने संकेत दिएको छ। अब सबैको नजर — सामसङले के नयाँ चमत्कार देखाउनेछ भन्नेमा केन्द्रित छ।