काठमाडौँ। बुधबार हङकङको वाङ फुक कोर्ट आवासीय कम्प्लेक्समा लागेको भीषण आगलागीमा मृत्यु हुनेको संख्या कम्तीमा ९४ पुगेको छ भने करिब ७६ जना घाइते भएका छन्। सरकारी अधिकारीहरूका अनुसार अझै करिब तीन सय जना बेपत्ता छन्।
आगलागी ताइ पो जिल्लास्थित उक्त ८–ब्लक आवासीय परिसरका सातवटा भवनमा फैलिएको थियो। घटना भएको भवनहरु हाल पुनर्निर्माणको क्रममा थिए र बाहिर बाँसको साँचो (बाँस ढाँचा) तथा हरियो जाली लगाइएको थियो, जसले आगो तीव्र रूपमा फैलिन मद्दत गरेको प्रारम्भिक अनुसन्धानले देखाएको छ।
स्थानीय अग्नि सुरक्षा विभागका अनुसार, आगो पहिले एउटा ३२-तले भवनमा लागेको थियो र त्यहीँबाट अन्य नजिकका भवनहरूमा फैलिँदै घटना भयावह बनेको थियो। ७ वटा भवन जलेर खरानी बनेका छन्। पाँच–अलार्म (सबैभन्दा उच्च) स्तरको यो आगलागी अन्त्य गर्न करिब २४ घण्टा लाग्यो।
प्रहरीले पुनर्निर्माण गर्दा प्रयोग गरिएको बाँसको साँचो र गैर-मानक निर्माण सामग्री प्रयोगमा सम्भावित लापरबाही भएको ठहर गर्दै तीन जनालाई — दुई निर्माण कम्पनी निर्देशक र एक इन्जिनियरिङ् सल्लाहकार — हत्या (manslaughter) को आरोपमा पक्राउ गरेको जानकारी दिएको छ।
यो आगलागी हङकङमा दशकौँमै भएको सबैभन्दा नर्किलो दुर्घटना मानिएको छ। घटना र त्यसका कारणहरुलाई लिएर पुनर्निर्माण उद्योग र सरकारमाथि सुरक्षा नियमन र उत्तरदायित्वबारे कडा प्रश्न उठिरहेका छन्।
(तस्विर: wwww.southchinapost.com)