काठमाण्डौ । मधेस प्रदेशका पूर्वमुख्यमन्त्री सतिशकुमार सिंहले प्रदेशसभा सदस्य पदबाट राजीनामा दिएका छन्। उनले जनकपुरधामस्थित मधेस प्रदेशसभा कार्यालयमा प्रदेशसभाका सभामुख रामअशिष यादवसमक्ष राजीनामा पत्र बुझाएका हुन्।
प्रदेशसभा सचिवालयमा पेस गरिएको राजीनामा पत्रमा सिंहले नेपालको संविधान २०७२ को धारा १८० (क) तथा प्रदेशसभा कार्य सञ्चालन नियमावली २०७५ को नियम १८४ (१) बमोजिम प्रदेशसभा सदस्य पदबाट राजीनामा दिएको उल्लेख गरेका छन्।
जनमत पार्टीबाट सप्तरीको प्रदेशसभा निर्वाचन क्षेत्र नं. २ (क) बाट निर्वाचित सिंहले आजैदेखि लागू हुनेगरी राजीनामा दिएका प्रदेशसभा सचिवालयले जनाएको छ।