काठमाडौं । आगामी जुलाई २३ देखि नेदरल्याण्ड्समा आयोजना हुने आईसीसी विश्वकप लिग–२ क्रिकेट प्रतियोगिताका लागि नेपाल क्रिकेट सङ्घ (क्यान) ले १५ सदस्यीय राष्ट्रिय टोली घोषणा गरेको छ।
रोहित पौडेलको कप्तानीमा घोषित टोलीमा दीपेन्द्रसिंह ऐरीलाई उपकप्तानको जिम्मेवारी दिइएको छ। टोलीमा अनुभवी खेलाडी सन्दीप लामिछाने, कुशल भुर्तेल, आसिफ शेख, इशान पाण्डे, आरिफ शेख र गुल्सन झा पनि समावेश छन्।
यस्तै, करन केसी, सोमपाल कामी, नन्दन यादव, ललित राजवंशी, भीम शार्की, अर्जुन कुमार र विनोद भण्डारीले पनि राष्ट्रिय टोलीमा स्थान बनाएका छन्।
नेपालले विश्वकप लिग–२ अन्तर्गत नेदरल्याण्ड्समा हुने प्रतियोगितामार्फत एकदिवसीय अन्तर्राष्ट्रिय क्रिकेटमा आफ्नो प्रदर्शनलाई थप सुदृढ बनाउने लक्ष्य राखेको छ।