काठमाडौं, असार १३ – राष्ट्रिय परीक्षा बोर्ड, परीक्षा नियन्त्रण कार्यालय कक्षा १० ले माध्यमिक शिक्षा परीक्षा (एसईई) २०८१ को नतिजा शुक्रबार सार्वजनिक गरेको छ।
यो वर्षको एसईई परीक्षा गत चैत ७ गतेदेखि १९ गतेसम्म सञ्चालन भएको थियो। नियमिततर्फ ४ लाख ३१ हजार ४६६ र ग्रेड वृद्धि (पुरक) परीक्षातर्फ ६७ हजार ७१५ विद्यार्थी सहभागी भएका थिए। यसरी कूल ४ लाख ९९ हजार १८३ विद्यार्थीले परीक्षा दिएका थिए।
नतिजा हेर्न सकिने माध्यम
बोर्डले नतिजा सहज रूपमा हेर्न सकियोस् भनेर विभिन्न प्रविधिमार्फत नतिजा हेर्ने व्यवस्था मिलाएको छ।
१. एसएमएसमार्फत नतिजा हेर्ने
विद्यार्थीले एसएमएस पठाएर पनि नतिजा थाहा पाउन सक्नेछन्। उदाहरणका लागि:
SEE <स्पेस> सिम्बोल नम्बर
र पठाउने: 1600 (नेपाल टेलिकम), 35001 (जनकी टेक्नोलोजी), 31003 (आकाश टेक), आदि।
२. आईभीआर (IVR) सेवाबाट नतिजा
नेपाल टेलिकम लगायतका सेवा प्रदायकहरूमार्फत IVR सेवामा फोन गरी सिम्बोल नम्बर टाइप गरेर नतिजा सुन्न सकिनेछ।
३. वेबसाइटमार्फत नतिजा
नतिजा हेर्न सकिने केही आधिकारिक वेबसाइटहरू:
www.see.gov.np
www.neb.gov.np
results.ntc.net.np
see.edusanjal.com
see.neemaacademy.com
बोर्डले नतिजा सार्वजनिकसँगै सबै विद्यार्थीलाई शुभकामना व्यक्त गर्दै प्राप्त नतिजाको आधारमा भविष्यको अध्ययन यात्रामा सफलता मिलोस् भन्ने आशा व्यक्त गरेको छ।