चितवन / यस बैंकको स्थापना तथा सञ्चालनमा महत्वपूर्ण योगदान पु¥याउनु भएका सम्मानित व्यक्तित्व स्व. सरदार गुञ्जमान सिंहको सम्झनामा चितवन जिल्लाको रत्ननगर पिठुवामा स्थापना भएको गुञ्जमान सिंह अस्पताललाई मेडिकल उपकरण खरिद गर्न रु.१५ लाख २५ हजार बैंकको संस्थागत सामाजिक उत्तरदायित्व अन्तर्गत आर्थिक सहयोग उपलब्ध गराउने निर्णय भएको र सो आर्थिक सहयोग रकम उपलब्ध गराउने सम्बन्धमा हिजो आयोजित एक कार्यक्रममा नेपाल बैंक लिमिटेडका प्रमुख कार्यकारी अधिकृत कृष्णबहादुर अधिकारीज्यूले बैंकको स्थापना तथा सञ्चालनमा विशेष योगदान पु¥याउनु भएका सम्मानित व्यक्तित्व स्व. सरदार गुञ्जमान सिंहको नाममा स्थापित अस्पताललाई सो सहयोग उपलब्ध गराउन पाएकोमा प्रशन्नता व्यक्त गर्नुभयो । साथै, उक्त सहयोगबाट अस्पतालले त्यस क्षेत्रका सर्वसाधारणनागरिकमासहज ढंगबाट स्वास्थ्य सेवाप्रदान गर्न थप सहयोग पुग्नेविश्वास समेत व्यक्त गर्नुभयो ।
स्व. सरदार गुञ्जमान सिंहको व्यक्तित्वको चर्चा गर्नुहुँदै गुञ्जमान सिंह मेमोरियल ट्रष्ट्रका अध्यक्ष दुर्गेश मान सिंहज्यूले नेपाल बैंकको स्थापना साथै देशको औद्योगिक तथा आर्थिक विकासमा स्व. सरदार गुञ्जमान सिंहज्यूले पु¥याउनु भएको योगदानलाई सम्मान गर्दै नेपाल बैंक लिमिटेडले उहाँको नाममा स्थापना भएको अस्पताललाई गरेको आर्थिक सहयोगकालागि हार्दिक आभार व्यक्त गर्नुभयो ।
उक्त कार्यक्रममा बैंकका सहायक प्रमुख कार्यकारी अधिकृतहरु विश्वराज बराल, प्रकाशकुमार अधिकारी र होम बहादुर खड्का साथै बैंकका कम्पनी सचिव केशव प्रसाद भण्डारी, बरिष्ठ प्रबन्धकद्वय अर्जुन बहादुर कँडेल र बाबुराम काफ्ले समेतको उपस्थिति रहेको थियो ।