काठमाडौं महानगरपालिकाले युवाहरूलाई स्वरोजगार र रोजगारीमुखी बनाउने उद्देश्यले आयोजना गर्न लागेको सीप मेलाका लागि आवेदन माग गरेको छ। मेलामा सहभागी हुन इच्छुक व्यक्तिहरूले तोकिएको समयसीमा भित्र आवेदन दिनुपर्नेछ।
महानगरले सूचनामार्फत विभिन्न सीप र तालिमका क्षेत्रहरू सार्वजनिक गर्दै मेलामा समावेश हुने विधाहरू उल्लेख गरेको छ। मेलाको उद्देश्य सीपयुक्त जनशक्ति उत्पादन गर्नुका साथै सीप सिकेर आत्मनिर्भर बन्न चाहने युवाहरूलाई आवश्यक जानकारी, तालिम र रोजगारीका अवसरहरू उपलब्ध गराउनु हो।
यी हुन् तालिमका क्षेत्र र विधा:
-
अटो मकेनिक (Auto Mechanic)
-
मोबाइल मर्मत (Mobile Repairing)
-
इलेक्ट्रिसियन (Electrician)
-
वेल्डिङ (Welding)
-
कम्प्युटर अपरेटर
-
ब्युटी पार्लर तथा हेयर ड्रेसिङ
-
टेलरिङ (सिलाइकटाइ)
-
कुकिङ र बेकरी
-
प्लम्बिङ
-
सोलार इन्स्टलेसन
कामपाले तालिमपछि रोजगारीमा सहजीकरण गर्न निजी क्षेत्रका संस्थाहरूसँग सहकार्य गर्ने जनाएको छ। साथै, सीप सिक्न इच्छुक तर आर्थिक रूपमा कमजोर अवस्थाका व्यक्तिहरूलाई प्राथमिकता दिने योजना रहेको छ।
आवेदन दिने तरिका:
-
इच्छुक व्यक्तिहरूले कामपाको आधिकारिक वेबसाइट वा महानगरको रोजगार शाखामा गई आवेदन दिन सक्नेछन्।
-
उमेर, शैक्षिक योग्यता, र अन्य योग्यता सम्बन्धी विवरण सूचना अनुसार उल्लेख गरिनेछ।
-
आवेदनको अन्तिम म्याद र मेलाको मिति चाँडै सार्वजनिक गरिने कामपाले जनाएको छ।
कामपाको यो पहलले युवाहरूमा सीप सिक्ने र स्वरोजगार बन्ने उत्साह थप्ने विश्वास लिइएको छ।