काठमाडौँ — रवि बोपाराको सानदार अर्धशतकको बलमा चितवन राइनोजले नेपाल प्रिमियर लिग (एनपिएल) दोस्रो संस्करणको दोस्रो खेलमा कर्णाली याक्सलाई ४ विकेटले पराजित गर्दै विजयी सुरु गरेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा कर्णालीले दिएको १६७ रनको लक्ष्य चितवनले पाँच बल बाँकी छँदै पूरा गर्यो।
बोपारा–दीपक–सइफको संयोजनले चितवनको विजय
चितवनको जितमा विदेशी स्टार रवि बोपारा प्रमुख नायक बने। उनले ३६ बलमा ३ चौका र ३ छक्कासहित ५२ रन बनाए। दीपक बोहोराले समान ३६ बलमा ६ चौका र १ छक्कासहित ४२ रन जोडे।
सइफ जइबले १६ बलमा २ चौका र ४ छक्कासहित हतारो ३८ रन बनाए भने कप्तान कुशल मल्लले १५ बलमा २ छक्का प्रहार गर्दै २० रन योगदान गरे।
बलिङतर्फ कर्णालीका कप्तान सोमपाल kami ले २ विकेट लिए। उनीसिंह, मार्क वाट र युवराज खत्रीले एक–एक विकेट हात पारे।
ओपनर प्रियाङ्क पञ्चालको ९० रनको चमक
टस हारेर पहिले ब्याटिङको निम्तो पाएको कर्णाली याक्सका लागि ओपनर प्रियाङ्क पञ्चालले उत्कृष्ट ९० रनको पारी खेले। एनपिएल डेब्यु सिजनमा उत्रिएका पञ्चालले ४८ बलमा ७ चौका र ६ छक्कासहित ९० रन बनाए। उनी शतकबाट १० रन टाढा रहे।
पञ्चाल यस संस्करणमा अर्धशतक बनाउने दोस्रो खेलाडी बनेका छन्।
कर्णालीका अन्य योगदानकर्तामा म्याक्स ओडाउडका ३० बलमा २० रन, मार्क वाटका १६ रन, पवन शर्राफका अविजित २७ रन र नाजिबुल्लाह जद्रानका अविजित ४ रन रहेका थिए।
चितवनका सोहेल तानविर, सइफ जइब र रवि बोपाराले समान १–१ विकेट लिएका थिए।