काठमाडौँ । कालीमाटी फलफूल तथा तरकारी बजार विकास समितिले शनिबारका लागि तरकारी–फलफूलको थोक मूल्य सार्वजनिक गरेको छ। दिनदिनै उतार–चढाव देखिँदै आएको बजारमा आज अधिकांश वस्तुको मूल्य बढेको छ।
समितिका अनुसार गोलभेँडा ठूलो (भारतीय) प्रतिकिलो रु १४० पुगेको छ भने सानो लोकल गोलभेँडा रु १०० मा कारोबार भइरहेको छ। आलु रातो रु ५५ र प्याज (भारतीय) रु ३२ मा झरेका छन्।
तरकारी वर्गमा गाजर (लोकल) रु १५०, काउली (ज्यापु) रु ८०, भन्टा रु ७०–८०, बोडी रु ८०–१९० र सलगम रु १२० कायम भएको समितिले जानकारी दिएको छ। फर्सी, लौका र परवरजस्ता दैनिक उपभोग्य तरकारीमा मूल्य स्थिर देखिएको छ।
सागसब्जीमध्ये पालुङ्गो रु २००, मेथीको साग रु १६०, जिरीको साग रु ६५० र पुदिना रु ५५० मा मूल्य छुट्टै उकालो लागेको छ।
च्याउ वर्गमा डल्ले च्याउ रु ३८० र कन्य च्याउ रु २३० तोकिएको छ भने कुरिलो प्रतिकिलो रु १२०० मा कारोबार हुँदैछ।
फलफूलतर्फ स्याउ (फुजी) रु ३२०, अनार रु ४००, किबी रु २५०, जunar रु २६० र सुन्तला (नेपाली) रु १२० रहेको छ।
कागती प्रतिकिलो रु १२०, मेवा भारतीय रु ११० र आभोकाडो रु ३०० निर्धारण गरिएको छ।
मसला र विशेष वस्तु वर्गमा खुर्सानी सुकेको रु ४२०, अदुवा रु ८०, लसुन (चाइनिज) रु २००, धनियाँ रु २०० रहेका छन्।
त्यसैगरी, माछा वर्गमा ताजा रहु रु ३४०, बचुवा रु २८०, छडी रु २४० र माछा सुकेको रु १००० तोकिएको छ।