उदयपुरमा गाडी दुर्घटना, १२ घाइते, ४ घाइतेको गम्भिर अवस्था

गाईघाट (उदयपुर) — त्रियुगा नगरपालिका बगाहा–४ स्थित कद्माहा सडकखण्डमा सञ्चालनमा रहेको एउटा यात्रु वाहन दुर्घटना हुँदा १२ जना घाइते भएका छन्।
बजारबाट लहानतर्फ जाँदै गरेको ना१ज ८३९१ नम्बरको विङ्गर गाडी बगाहा सडकखण्डमा अनियन्त्रित भई दुर्घटना भएको हो। जिल्ला प्रहरी कार्यालयका सूचना अधिकारी एवं प्रहरी नायब उपरीक्षक केदारमान दोङका अनुसार घाइतेमध्ये धेरैलाई प्राथमिक उपचारका लागि स्थानिय अस्पताल लगिएको छ।
घाइतेमा पहिलो पहिचान गरिएका छन्: त्रियुगा–२ का ७७ वर्षीय कमल खड्का, ५७ वर्षीय नरबहादुर खत्री तथा त्रिपा–१२ की १७ वर्षीया प्रतीजा विक। साथै, सप्तरीको हनुमान–२ बाट आएका उपेन्द्र साह (२७), काठमाडौँ गोकर्णेश्वर–२ का शम्भुप्रसाद पोखरेल (५४), ओखलढुङ्गा खिजीतेम्बा–२ का तीर्थराज घिमिरे (४५), त्रिनपा–७ चुहाडेका केवल ठकुरी (२२), त्रिनपा–११ का पूर्णबहादुर राई (७४), ६० वर्षीया रामकुमारी राई र चालक उपेन्द्र साह (२७) परी घाइते भएको जानकारी छ।
घाइतेमध्ये चार जनालाई थप उपचारका लागि विराटनगरस्थित न्यूरो अस्पताल पठाइएको प्रहरी स्रोतले जनाएको छ।

उदयपुरमा गाडी दुर्घटना, १२ घाइते, ४ घाइतेको गम्भिर अवस्था

सम्बन्धित समाचार