काठमाडौँ —मोहन वैद्यले नेतृत्व गरेको क्रान्तिकारी कम्युनिस्ट पार्टी नेपाल को राष्ट्रिय एकता महाधिवेशनमा झण्डै एक दर्जन बढी प्रतिवेदन पेस भएका छन् ।
एकता महाधिवेशनका संयोजक वैद्यले शुक्रबार राजनीति प्रतिवेदन पेस गर्दै ‘नयाँ जनवादी क्रान्ति’ को खुड्किलो पार गर्दै वैज्ञानिक समाजवादी बाटो अघि सारेका छन् ।
वैद्यको प्रतिवेदनमा मुलुकको विद्यमान राजनीतिक प्रणाली खारेज गरी जनवादी क्रान्तिको बाटोमा अघि जानुपर्ने उल्लेख गरेका छन् । उनले क्रान्तिको बाटोबाट मात्र समाजवाद स्थापना हुने तर्क गर्दै आवश्यक परे बल प्रयोगको नीति लिएका छन् ।
कीर्तिपुरमा जारी बन्दशत्रमा वैद्यले राजनीतिक, नीति तथा कार्यक्रम र सामरिक प्रस्ताव पेस गरेका छन् भने सीपी गजुरेलले अन्तर्राष्ट्रिय कम्युनिस्ट आन्दोलनको इतिहास, हेमन्तप्रकाश ओलीले नेपाली कम्युनिस्ट आन्दोलन, रामसिंह श्रीसले सांगठनिक, सन्तबहादुर नेपालीले जलवायुसम्बन्धी, परि थापाले धर्म संस्कृति, पवनमान श्रेष्ठले जातीय, सीताराम तामाङले आर्थिक र केबी गुरुङले उत्पादनसम्बन्धी प्रतिवेदन पेस गरेका छन् ।
शनिबारदेखि यी प्रतिवेदनमाथि छलफल सुरु हुने तय भएको छ । महाधिवेशनले पार्टीको नयाँ कार्यदिशासहित नेतृत्वसहित केन्द्रीय समिति चयन गर्ने छ । महाधिवेशनमा साढे ६ सय प्रतिनिधि सहभागी छन् ।
सञ्चालक / सम्पादक : नन्दलाल खरेल
निर्देशक : शत्रुघन श्रेष्ठ
सल्लाहकार :प्रविन जोशी
म्यानेजर: शोभा ढकाल
संरक्षक :राजन थापा
साहित्य संयोजक:जयराम बिडारी
प्रतिनिधि: दिपक योगी
प्रेस प्रतिनिधि : रमेश घिमिरे
प्रेस प्रतिनिधि :अनिश खरेल
प्रेस प्रतिनिधि : भरतराज सुवेदी
बिजनेश म्यानेजर : सुधिरकुमार कर्माचार्य
बजार व्यवस्थापक : टेकेन्द्र थापा
संचार रजिस्ट्रार दर्ता नं.१४८४/०७६-७७
