काठमाण्डौ । नेपाल प्रवेश गरेको केवल तीन घन्टापछी पुन त्रिभुवन अन्तराष्ट्रिय विमानस्थाल हुँदै भुटान फर्किन लागेकि एक नागरिकमाथि विशेष अनुसन्धान गर्दा नेपाल प्रहरीलाई महत्त्वपूर्ण सफलता हात लागेको छ । नेपाल प्रहरीले लागूऔषध कोकिन लुकाएर ल्याउने एक विदेशी महिलालाई पक्राउ गरेको हो ।
प्रहरीको लागूऔषध नियन्त्रण ब्यूरोले ब्राजिलबाट कतारको दोहा हुँदै नेपाल आएर नेपालबाट भुटान जान लागेकी २१ वर्षीया एमिली मिकेल सन्तोष फरेरालाई त्रिभुवन अन्तर्राष्ट्रिय विमानस्थलको प्रस्थान कक्षबाट पक्राउ गरी शुक्रबार सार्वजनिक गरेको हो।
नेपाल प्रहरीको लागुऔषध नियन्त्रण ब्यूरोका सहप्रवक्ता, प्रहरी नायव उपरीक्षक जीवन निरौलाका अनुसार कालो रङको ‘ब्रा’भित्र लुकाएर ल्याएको एक किलोग्राम ९५० ग्राम कोकिनसहित उनलाई पक्राउ गरिएको हो ।
पक्राउ परेकी फरेरालाई लागूऔषध नियन्त्रण ऐन, २०३३ बमोजिम काठमाडौँ जिल्ला अदालतबाट लागूऔषध मुद्दामा म्याद थप गरी अनुसन्धान अघि बढाइएको सहप्रवक्ता निरौलाले बताए।